Sanwó-Olú búra fún alága tuntun n'Ijọba ìbílẹ̀ Onígbòngbò


Ọlaide Gold

Ọjọ Mọnde, ọjọ kọkanla oṣu yii ni gomina Babajide Sanwo-Olu bura wọle fun, Agbẹjọro Rekiyah Olufunkẹ Hassan gẹgẹ bi alaga tuntun fun ijọba ibilẹ Onidagbasoke Onigbongbo . 

Laipẹ yii ni ijọba Eko kede ipapoda alaga ijọba ibilẹ naa tẹlẹ,Ọnarebu Ọladọtun Ọlakunle ẹni tiwọn bura wọle fun gẹgẹ bi alaga lẹyinti ọga tiẹ naa jade laye.

Lasiko to ṣebura fun alaga tuntun naa, Gomina Sanwo-Olu ni, o ṣeni laanu pe ijọba ibilẹ Onigbongbo padanu alaga meji leralera ṣugbọn iṣe gbọdọ tẹsiwaju,idi niyẹn ti igbakeji rẹ gbọdọ bọ sipo alaga gẹgẹ bi alakalẹ ofin iṣakoso ijọba ibilẹ ori kẹrindinlọgbọn, ipin kin-in-in, ọdun 2015.

Sanwo-Olu ni, loootọ ni iku alaga ana dunni jọjọ ṣugbọn ipo alaga ko gbọdọ ṣofo gẹgẹ bi alakalẹ ofin. O wa rọ gbogbo awọn eeyan ijọba ibilẹ naa ki wọn ma gbadura ẹmi gigun fun alaga wọn tuntun.

Ninu ọrọ idupẹ tiẹ,alaga tuntun naa dupẹ lọwọ gomina ati igbimọ iṣejọba rẹ fun apẹẹrẹ aṣiwaju rere bakan naa lo rọ awọn eeyan pe ki wọn dide iṣẹju kan laifọhun lati bu ọla fun ọga rẹ to jade laye.

Alaga tuntun naa ṣeleri lati bẹrẹ nibiti oloogbe naa ba iṣẹ de atipe oun maa ṣe awọn iṣẹ akanṣe aritọkasi fun itẹsiwaju ijọba ibilẹ naa leyi ti yoo jẹ moriya fun ẹgbẹ oṣelu APC lapapọ.

Comments

Post a Comment

Popular posts from this blog

Àwọn ọmọ bíbí ìlú Òró bu ọlá fún ọba wọn tuntun

Image
Ọlaide Gold Wamuwamu ni gbọngan NUT Pavilion Events Centre nilu Ikẹja nipinlẹ Eko kun lọjọ Satide to kọja,  awọn ọmọ bibi ilu Oro nipinlẹ Kwara tiwọn fi ilu Eko ṣebugbe ni wọn lọ pade Ọba Ọlaniyi Ọyatoye,Titiloye Olufayọ keji, iyẹn Oloro tilu Oro to ṣẹṣẹ gun ori itẹ awọn baba nla rẹ. Ọba Ọlaniyi Ọyatoye ninu ọrọ rẹ dupẹ lọwọ awọn ọmọ bibi ilu Oro ti wọn wa nibẹ lọjọ naa, kabiyesi wure aṣeyọri  lẹnu iṣẹ ti ẹni kọọkan n ṣe, Oloro tuntun naa ni, ogunlọgọ eeyan ni wọn mọ ilu Oro pẹlu ipede ‘Owo ni e jẹ’ tori naa, owo ko ni i wọn lapo ẹnikọọkan atawọn afẹnifẹre wọn. Siwaju si i, kabiyesi ṣeleri itẹsiwaju rere  nilu Oro lasiko tiẹ, ọba alaye naa ni, gbogbo ẹbẹ awọn ọmọ oniluu loun ti gbọ bẹẹni igbesẹ lati fidi irẹpọ mulẹ ti n lọ labẹnu atipe didun lọsan yoo so laipẹ.   Bo tiẹ jẹ pe, wọn ni oye ọba naa di fa-n-fa laarin awọn ọmọ oye bii meloo kan, ko to bọ sọwọ idile Titiloye Olufayọ,  tijọba ipinlẹ Kwara si ti gbọpa aṣe le e lọwọ gẹgẹ bi Alayeluwa Oloro ti...
Read more

Wàhálà nlá nijọ sẹ̀lẹ́!Nítorí tùràrí wọ́n lu wòlíì lálùbami,làwọn aláṣẹ bá gbe ṣọ́ọ̀ṣì tìpa

Image
Ọlaide Gold   Titi dasiko yii lọrọ naa ṣi n ṣe awọn eeyan ni kayeefi, paapaa julọ awọn tiṣẹlẹ naa ṣoju wọn lagbegbe Agege nipinlẹ Eko. Oluṣọ ijọ sẹlẹ kan, CCC Adeiyanu Parish ni Iyana Ipaja torukọ ẹ n jẹ, Alani John Ọlabamidele  tawọn eeyan tun mọ si Alani-Fẹrẹbiẹkun ni wọn lo kọkọ da ija naa silẹ tawọn ọdọ fi sọ di nnkan mi-in mọ lọwọ. Gẹgẹ baa ṣe gbọ, ajihinrere kan ninu ijọ naa torukọ ẹ n jẹ Taiwo Lasisi, ni wọn lo gbe turari lọ sori pẹpẹ ṣugbọn ti ọluṣọ gbe igba turari naa kuro nibẹ, iyẹn ni wọn lo bi ọmọkunrin naa ninu tija fi sọ. Ṣe ṣaaju akoko naa lawọn ọmọ ijọ ko ti fẹran oluṣọ wọn tuntun latigba ti wọn ti gbe de nitoripe wọn ni ṣeni oluṣọ naa ma n paṣẹ bi ologun, idi niyẹn tawọn ọmọ ijọ fi gbana oju ẹ lọjọ tija naa ṣẹlẹ. Iroyin to tẹ wa lọwọ ni pe, nigba tiwọn n ṣe ikore loṣu kẹsan an ọdun yii nija naa ti bẹrẹ, wọn ni, bi oluṣọ ijọ naa tẹlẹ torukọ ẹ n jẹ Idowu Adelu ti wọn ti gbe lọ sijọ CCC  Zion Santuary Parish, Oshodi  wa bawọn  yọ ayọ ik...
Read more

Ojiṣẹ lṣẹdalẹ ṣatupalẹ ewi Wọle Ṣoyinka, 'Abiku' si ede Yoruba.

Image
Ọgbẹni Olubunmi Olukanni, tawọn kan tun pe ni Ojiṣẹ Iṣẹdalẹ, to fi orileede Amerika, ni California, ti tun ewi kan ti Ọjọgbọn Wọle Ṣoyinka kọ ni ede oyinbo to pe ni Abiku, si ede Yoruba. Gẹgẹ bo ṣe wi, o loun kọ lati fi sami ẹyẹ aadọrun ọdun ti agba ọjẹ naa lo lori ilẹ ati lati fi sapọnle ẹ. Ojiṣẹ Iṣẹdalẹ naa tun fikun ọrọ ẹ pe akanda ẹda ati awokọṣe rere ni Ọjọgbọn Wọle Ṣoyinka jẹ foun.  Ọkunrin ọhun to n gbe ni Califonia,to tun jẹ alukoro fun ẹgbẹ ọmọ Yoruba ati ẹgbẹ ọmọ Ijẹṣa to wa lọhun, tun fi kun ọrọ ẹ pe lara ẹkọ toun ri kọ lara baba naa ni ọgbọn atinuda, eyi to si wulo foun di onii yii. tun sọ pe bi wọn ba pe ori akọni, a fi ida laalẹ bẹẹ lọrọ agba ọjẹ yii jẹ ninu ka kọ itan tabi ewi to fa ọgbọn yọ, to si tun mu ẹwa ba aṣa ilẹ wa. Ojiṣẹ iṣẹdalẹ toun naa jẹ onkọwe, to fi n gbe aṣa ati ede Yoruba ga, lo ti fi ọgbọn atinuda ẹ ṣagbekalẹ ewi Abiku lọna ti yoo gba ye awọn to ba n ka a. Bẹẹ lo si tun lo awọn ẹwa ede bi Ọjọgbọn Ṣoyinka, ṣe gbe kalẹ ni oyinbo to kọ. Eyi ...
Read more