Ìpínlẹ̀ Èkó ti pèsè ààyè írọ̀rùn fún ìdókòwò-Sanwó-Olú


Ọlaide Gold

Gomina Babajide Sanwo-Olu ti jẹ ko di mimọ pe, ipinlẹ Eko ati ijọba apapọ ti pinnu lati pese ayika to maa faaye gba awọn oludokowo lati ilẹ okeere siwaju sii.

Sanwo-Olu sọrọ naa nigba to gbalejo awọn olodokowo naa nibi ipade okowo kan ti wọn pe ni International Business Conference & Expo 2024 ti ajọ awọn olokoowo ati ileeṣẹ l’Ekoo, Lagos Chamber of Commerce and Industry, LCCI ṣagbatẹru ẹ, eyi fi sọrii idokowo ni Naijiria iyẹn ‘Invest in Nigeria’ to waye ni gbọngan Eko Hotels.

Sanwo-Olu gẹgẹ bi ọrọ rẹ nigba to n bawọn aṣoju lati ilẹ okeere sọrọ nibi eto naa sọ  pe,ijọba Eko ti gbe awọn igbesẹ ti yoo mu ki idokowo rọrun nipinlẹ naa“ A fẹẹ kọ ile ikounjẹsi to tobi ju nilẹ Afirika bakan naa ni a tun fẹẹ ṣeranwọ labala eto irinajo afẹ, a ti fọwọsowọpọ pẹlu ijọba apapọ lati ṣe atunkọ gbọngan aṣa apapọ to ti di Wọle Ṣoyinka Cultural Centre of.Arts bayii. Bakan naa ni a fẹ pese aaye ikẹkọọ imọ ẹrọ fawọn ọdọ wa nitoripe afojusun wa ni lati di ibudo apewaawo fun imọ ẹrọ lagbaaye’.


Ninu ọrọ tiẹ,Adegboyega Oyetọla, Minisita to n ṣakoso ọrọ aje ori omi ṣalaye pe,ijọba apapọ ti ṣetan lati pese aaye ti yoo mu ki nnkan rọrun fawọn oludokowo lati ilẹ okeere eyi ti yoo mu ki ọrọ aje etikun ilẹẹwa tẹsiwaju si i.


Oyetọla ni, lati mu ki nnkan rọrun funidokowopọ, ijọba apapọ ti ṣi awọn ferese kan silẹ gẹgẹ atura bii amojukuro lori owo ẹru to n wọle, pipese ohun amayedẹru fun irọrun idokowo ati bẹẹ bẹẹ lọ.

Gẹgẹ bi ọrọ rẹ, ijọba apapọ tun ti bẹrẹ atunkọ awọn ibudo ọrọ aje etikun bii Apapa ati Tin-Can fun irọrun idokowo.


Comments

Post a Comment

Popular posts from this blog

Àwọn ọmọ bíbí ìlú Òró bu ọlá fún ọba wọn tuntun

Image
Ọlaide Gold Wamuwamu ni gbọngan NUT Pavilion Events Centre nilu Ikẹja nipinlẹ Eko kun lọjọ Satide to kọja,  awọn ọmọ bibi ilu Oro nipinlẹ Kwara tiwọn fi ilu Eko ṣebugbe ni wọn lọ pade Ọba Ọlaniyi Ọyatoye,Titiloye Olufayọ keji, iyẹn Oloro tilu Oro to ṣẹṣẹ gun ori itẹ awọn baba nla rẹ. Ọba Ọlaniyi Ọyatoye ninu ọrọ rẹ dupẹ lọwọ awọn ọmọ bibi ilu Oro ti wọn wa nibẹ lọjọ naa, kabiyesi wure aṣeyọri  lẹnu iṣẹ ti ẹni kọọkan n ṣe, Oloro tuntun naa ni, ogunlọgọ eeyan ni wọn mọ ilu Oro pẹlu ipede ‘Owo ni e jẹ’ tori naa, owo ko ni i wọn lapo ẹnikọọkan atawọn afẹnifẹre wọn. Siwaju si i, kabiyesi ṣeleri itẹsiwaju rere  nilu Oro lasiko tiẹ, ọba alaye naa ni, gbogbo ẹbẹ awọn ọmọ oniluu loun ti gbọ bẹẹni igbesẹ lati fidi irẹpọ mulẹ ti n lọ labẹnu atipe didun lọsan yoo so laipẹ.   Bo tiẹ jẹ pe, wọn ni oye ọba naa di fa-n-fa laarin awọn ọmọ oye bii meloo kan, ko to bọ sọwọ idile Titiloye Olufayọ,  tijọba ipinlẹ Kwara si ti gbọpa aṣe le e lọwọ gẹgẹ bi Alayeluwa Oloro ti...
Read more

Wàhálà nlá nijọ sẹ̀lẹ́!Nítorí tùràrí wọ́n lu wòlíì lálùbami,làwọn aláṣẹ bá gbe ṣọ́ọ̀ṣì tìpa

Image
Ọlaide Gold   Titi dasiko yii lọrọ naa ṣi n ṣe awọn eeyan ni kayeefi, paapaa julọ awọn tiṣẹlẹ naa ṣoju wọn lagbegbe Agege nipinlẹ Eko. Oluṣọ ijọ sẹlẹ kan, CCC Adeiyanu Parish ni Iyana Ipaja torukọ ẹ n jẹ, Alani John Ọlabamidele  tawọn eeyan tun mọ si Alani-Fẹrẹbiẹkun ni wọn lo kọkọ da ija naa silẹ tawọn ọdọ fi sọ di nnkan mi-in mọ lọwọ. Gẹgẹ baa ṣe gbọ, ajihinrere kan ninu ijọ naa torukọ ẹ n jẹ Taiwo Lasisi, ni wọn lo gbe turari lọ sori pẹpẹ ṣugbọn ti ọluṣọ gbe igba turari naa kuro nibẹ, iyẹn ni wọn lo bi ọmọkunrin naa ninu tija fi sọ. Ṣe ṣaaju akoko naa lawọn ọmọ ijọ ko ti fẹran oluṣọ wọn tuntun latigba ti wọn ti gbe de nitoripe wọn ni ṣeni oluṣọ naa ma n paṣẹ bi ologun, idi niyẹn tawọn ọmọ ijọ fi gbana oju ẹ lọjọ tija naa ṣẹlẹ. Iroyin to tẹ wa lọwọ ni pe, nigba tiwọn n ṣe ikore loṣu kẹsan an ọdun yii nija naa ti bẹrẹ, wọn ni, bi oluṣọ ijọ naa tẹlẹ torukọ ẹ n jẹ Idowu Adelu ti wọn ti gbe lọ sijọ CCC  Zion Santuary Parish, Oshodi  wa bawọn  yọ ayọ ik...
Read more

Ojiṣẹ lṣẹdalẹ ṣatupalẹ ewi Wọle Ṣoyinka, 'Abiku' si ede Yoruba.

Image
Ọgbẹni Olubunmi Olukanni, tawọn kan tun pe ni Ojiṣẹ Iṣẹdalẹ, to fi orileede Amerika, ni California, ti tun ewi kan ti Ọjọgbọn Wọle Ṣoyinka kọ ni ede oyinbo to pe ni Abiku, si ede Yoruba. Gẹgẹ bo ṣe wi, o loun kọ lati fi sami ẹyẹ aadọrun ọdun ti agba ọjẹ naa lo lori ilẹ ati lati fi sapọnle ẹ. Ojiṣẹ Iṣẹdalẹ naa tun fikun ọrọ ẹ pe akanda ẹda ati awokọṣe rere ni Ọjọgbọn Wọle Ṣoyinka jẹ foun.  Ọkunrin ọhun to n gbe ni Califonia,to tun jẹ alukoro fun ẹgbẹ ọmọ Yoruba ati ẹgbẹ ọmọ Ijẹṣa to wa lọhun, tun fi kun ọrọ ẹ pe lara ẹkọ toun ri kọ lara baba naa ni ọgbọn atinuda, eyi to si wulo foun di onii yii. tun sọ pe bi wọn ba pe ori akọni, a fi ida laalẹ bẹẹ lọrọ agba ọjẹ yii jẹ ninu ka kọ itan tabi ewi to fa ọgbọn yọ, to si tun mu ẹwa ba aṣa ilẹ wa. Ojiṣẹ iṣẹdalẹ toun naa jẹ onkọwe, to fi n gbe aṣa ati ede Yoruba ga, lo ti fi ọgbọn atinuda ẹ ṣagbekalẹ ewi Abiku lọna ti yoo gba ye awọn to ba n ka a. Bẹẹ lo si tun lo awọn ẹwa ede bi Ọjọgbọn Ṣoyinka, ṣe gbe kalẹ ni oyinbo to kọ. Eyi ...
Read more