Àjọ ẹlẹ́yinjú àánú KAF ṣèrànwọ́ fáwọn aráàlú nilùú Ilé-Ifẹ̀


Ọlaide Gold

Awọn opo atawọn alaini rẹrin ayọ lọ sile lọsẹ to kọja pẹlu ẹbun owo ati ounjẹ loriṣiiriṣii. Ajọ kan ti kii ṣe tijọba eyiti wọn pe ni, Kunle Ayọọla Fundation lo deede dẹrin pẹẹkẹ awọn araalu paapaa julọ lati kun wọn lọwọ lasiko ọwọngogo yii


Ninu oṣu kẹjọ ọdun 2020 ni wọn da ajọ naa silẹ lorileede Naijiria pẹlu ipinnu lati maa ran awọn eeyan lọwọ nipa fifojusun awọn ọdọ,opo atawọn alaini lati ṣeranwọ owo iṣẹ fun wọn, fifunwọn ni ounjẹ bakan naa ni wọn ṣe ironilagbara fun wọn. Ọjọ kẹtadinlọgbọn oṣu keje ọdun yii ni wọn ṣe ifilọlẹ ajọ naa pẹlu ayẹyẹ ọlọjọ mẹrin to bẹrẹ lọjọru Wẹside, ọjọ kẹrindinlọgbọn ni olu ileeṣẹ ajọ naa iyẹn KAF secretariate to wa ni adugbo Okesoda nilu Ile-Ifẹ nipinlẹ Ọṣun.

Ipade pẹlu awọn oniroyin lo kọkọ waye nibiti wọn ti ṣalaye nnkan ti ajọ naa da le lori atawọn iṣẹ ẹlẹyinju aanu tajọ naa ti ṣe fawọn oniroyin bakan naa ni irinafẹ to waye lọjọ keji tiiṣe Tọside, Ọjọ kẹtadinlọgbọn, eyi ti wọn fi rin lọ si olu ileeṣẹ ajọ naa nibi tawọn eeyan ti jẹ anfaani ayẹwo ilera ọfẹẹ, itọju awọn aisan kọọkan ati ẹbun ounjẹ ọfẹẹ loriṣiiriṣii. Ọjọ Ẹti Furaide ni ifẹsẹwọnsẹ ere bọọlu ọrẹsọrẹ waye ninu ọgba Oduduwa college laarin St David Grammar school  ati St Philips grammar school nilu Ile-Ifẹ nibiti ileewe St David Grammar school ti jawe ewuro soju ikọ agbabọọlu keji pẹlu ayo meji si odo.

Ọmọọba Aderonkẹ Adegoke lo gbe ife ẹyẹ naa le ikọ agbabọọlu to jawe olubori lọwọ. Ọjọ Abamẹta Satide, ọjọ kọkandinlọgbọn oṣu kẹfa ọdun yii ni aṣekagba eto naa waye ni agbala igbafẹ nla, Ife Grand Resort. Awọn eeyan pataki laarin ilu atawọn lọbalọba pẹlu awọn oniṣowo pataki ni wọn wa nibi ayẹyẹ naa nibi tawọn ọlọja ti maa bẹrẹ sii gba owo iranwọ lati kun ọja wọn.

Owo tiye rẹ to ogun miliọnu naira lo ti wa nilẹ lati ran awọn eeyan lọwọ bakan naa niranlọwọ tun wa fawọn akẹkọọ ti wọn fẹẹ ṣe idanwo aṣeyege sileewe giga Yunifasiti ati Poli, Ọgbẹni  Oluọmọ Alakanbi lo ṣe kokaari iwe sọwedowo nigbati  gbajumọ olorin nni Tunji Crown fi orin kadi ẹ nilẹ

Comments

Post a Comment

Popular posts from this blog

Àwọn ọmọ bíbí ìlú Òró bu ọlá fún ọba wọn tuntun

Image
Ọlaide Gold Wamuwamu ni gbọngan NUT Pavilion Events Centre nilu Ikẹja nipinlẹ Eko kun lọjọ Satide to kọja,  awọn ọmọ bibi ilu Oro nipinlẹ Kwara tiwọn fi ilu Eko ṣebugbe ni wọn lọ pade Ọba Ọlaniyi Ọyatoye,Titiloye Olufayọ keji, iyẹn Oloro tilu Oro to ṣẹṣẹ gun ori itẹ awọn baba nla rẹ. Ọba Ọlaniyi Ọyatoye ninu ọrọ rẹ dupẹ lọwọ awọn ọmọ bibi ilu Oro ti wọn wa nibẹ lọjọ naa, kabiyesi wure aṣeyọri  lẹnu iṣẹ ti ẹni kọọkan n ṣe, Oloro tuntun naa ni, ogunlọgọ eeyan ni wọn mọ ilu Oro pẹlu ipede ‘Owo ni e jẹ’ tori naa, owo ko ni i wọn lapo ẹnikọọkan atawọn afẹnifẹre wọn. Siwaju si i, kabiyesi ṣeleri itẹsiwaju rere  nilu Oro lasiko tiẹ, ọba alaye naa ni, gbogbo ẹbẹ awọn ọmọ oniluu loun ti gbọ bẹẹni igbesẹ lati fidi irẹpọ mulẹ ti n lọ labẹnu atipe didun lọsan yoo so laipẹ.   Bo tiẹ jẹ pe, wọn ni oye ọba naa di fa-n-fa laarin awọn ọmọ oye bii meloo kan, ko to bọ sọwọ idile Titiloye Olufayọ,  tijọba ipinlẹ Kwara si ti gbọpa aṣe le e lọwọ gẹgẹ bi Alayeluwa Oloro ti...
Read more

Wàhálà nlá nijọ sẹ̀lẹ́!Nítorí tùràrí wọ́n lu wòlíì lálùbami,làwọn aláṣẹ bá gbe ṣọ́ọ̀ṣì tìpa

Image
Ọlaide Gold   Titi dasiko yii lọrọ naa ṣi n ṣe awọn eeyan ni kayeefi, paapaa julọ awọn tiṣẹlẹ naa ṣoju wọn lagbegbe Agege nipinlẹ Eko. Oluṣọ ijọ sẹlẹ kan, CCC Adeiyanu Parish ni Iyana Ipaja torukọ ẹ n jẹ, Alani John Ọlabamidele  tawọn eeyan tun mọ si Alani-Fẹrẹbiẹkun ni wọn lo kọkọ da ija naa silẹ tawọn ọdọ fi sọ di nnkan mi-in mọ lọwọ. Gẹgẹ baa ṣe gbọ, ajihinrere kan ninu ijọ naa torukọ ẹ n jẹ Taiwo Lasisi, ni wọn lo gbe turari lọ sori pẹpẹ ṣugbọn ti ọluṣọ gbe igba turari naa kuro nibẹ, iyẹn ni wọn lo bi ọmọkunrin naa ninu tija fi sọ. Ṣe ṣaaju akoko naa lawọn ọmọ ijọ ko ti fẹran oluṣọ wọn tuntun latigba ti wọn ti gbe de nitoripe wọn ni ṣeni oluṣọ naa ma n paṣẹ bi ologun, idi niyẹn tawọn ọmọ ijọ fi gbana oju ẹ lọjọ tija naa ṣẹlẹ. Iroyin to tẹ wa lọwọ ni pe, nigba tiwọn n ṣe ikore loṣu kẹsan an ọdun yii nija naa ti bẹrẹ, wọn ni, bi oluṣọ ijọ naa tẹlẹ torukọ ẹ n jẹ Idowu Adelu ti wọn ti gbe lọ sijọ CCC  Zion Santuary Parish, Oshodi  wa bawọn  yọ ayọ ik...
Read more

Sanwó-Olú ṣèlérí ètò ìrànlọ́wọ́ láti sàmì àyájọ́ àwọn obìnrin lágbàáyé

Image
Ọlaide Gold Ipa tawọn obinrin n ko ninu idagbasoke orileede ko kere, o to ki wọn ri iranlọwọ gba lọwọ ijọba lati le jẹ anfaani dẹmọnkiresi siwaju si i. Gomina ipinlẹ Eko, Babajide Sanwo-Olu lo sọrọ yii lọjọ Ẹti Furaide nibi ayẹyẹ ayajọ awọn obinrin lagbaaye eyi to waye ninu papa iṣere Onikan nilu Eko. Sanwo-Olu, fidi ẹ mulẹ pe,  ipa ti obinrin n ko ninu idagbasoke agbegbe wọn ati orileede lapapọ ko kere rara bakan naa lo ni igbesẹ lati ṣeranwọ fawọn obinrin naa wa ni ibamu pẹlu eto igbayerọrun ti ijọba Eko gunle. Oludanilẹkọọ ọjọ naa, to wa lati ẹka ẹkọ to n mojuto iṣedeede ọpọlọ ni fasiti imọ iṣegun ipinlẹ Eko,  Ọjọgbọn Olurotimi Coker ṣalaye pe, oriṣiriṣi iṣẹ ile tawọn obinrin ma n ṣe laarin wakati kan le ṣakoba fun iṣe deede ọpọlọ wọn, o ni, awọn obinrin o yẹ ki wọn tun ma gbe nnkan sọkan lẹyin lọta, fọṣọ,sebẹ ati itọju ọmọ. Olurotimi ni ṣeni ki wọn ma sọ ẹdun ọkan wọn jade ki ọkan le fuyẹ. O ni ki wọn maa ṣamulo awọn nnkan marun to ma n mu ki ọkan fuyẹ bii...
Read more