Ayajọ awọn obinrin lagbaye:Sanwo-Olu ṣeleri ipin dọgba-n-dọgba


Ọlaide Gold
Ayẹyẹ ayajọ awọn obinrin lagbaye min igboro Eko titi lonii ọjọ kẹjọ oṣu kẹta, ẹka ileeṣẹ ijọba to n ri sọrọ awọn obinrin ati idojutoṣi iyẹn Ministry of Women Affairs & Poverty Alleviation (WAPA) lo ṣe kokaari eto naa.
Eto pataki naa ti wọn pe akọle ẹ ni ' Count her in: Accelerating Gender Equality Through Economic Empowerment, iyẹn kika ọmọbinrin yẹ fun igbelewọn idọgba nipasẹ ọrọ aje eyi to waye ni ipagọ Mobọlaji Johnson to wa ninu papa iṣere Onikan l'Ekoo, nibẹ lawọn eekan ninu oṣelu atawọn alẹnulọrọ lawujọ ti pejupẹsẹ ba awọn obinrin ṣajọyọ ayajọ wọn.
Ninu ọrọ ti adari awọn obinrin ẹgbẹ APC, Ọnarebu Jumọke Ọkọya-Thomas sọ lo ti ki gomina ipinlẹ Eko,Ọgbẹni Babajide Olushola Sanwo-Olo, igbakeji ẹ, Ọmọwe Ọbafẹmi Hamzat atawọn iyawo wọn kaabọ sibi ayẹyẹ naa, o sọ nipa ipa ti obinrin n ko lawujọ ati idi ti ipin idọgba fi gbọdọ wa ninu ohunkohun to ba jẹ mọ takọtabo.
Bakan naa lọmọ ṣori pẹlu ọrọ ti oludanilẹkọọ ọjọ naa, Ọjọgbọn Mopelọla Ọmọegun sọ, o ni,ipa pataki ni obinrin n ko ninu idanilẹkọọ awọn ọmọ wọn lati inu ile nitoripe,ẹkọ akọọkọ ni eyi tọmọ kọ
latẹniu iya rẹ, o  tẹsiwaju pe; ẹkọ iwe kika nikan kọ lo le sọ ọmọ di eeyan pataki lawujo nitoripe latilẹ ni obi ti gbọdọ kọ ọmọ rẹ ni ohun ti o tọ ki ọmọ naa le mọ bi yoo ti ma wu iwa lawujọ.
Alaga igbimọ to n mojuto ọrọ awọn obinrin ati ironilgbara nile aṣofin Eko,
Ọnarebu Ọmọlara Oyekan-Olumẹgbọn ninu ọrọ tiẹ sọ pe, akori kan ni ko jẹ amurele fun gbogbo obi ati alagbatọ fawọn ọmọbinrin wọn, o ni ki wọn maa sọ pe ' Ma a ka ọmọbinrin kun,ma a nawo le e lori bẹẹni ma a ran an lọwọ lati dagba soke'. O ni iwuri ni gbolohun naa yoo jẹ fawọn ọmọbinrin lati tẹsiwaju ninu ohun rere.
Iyawo gomina ipinlẹ Eko to tun jẹ iya ọjọ naa,Abilekọ Ibijọkẹ Sanwo-Olu gboṣuba kare fun gbogbo obinrin lagbaaye fun akitiyan wọn lori idagbasoke awujọ bakan naa lo gbawọn nimọran pe ki wọn rii daju pe wọn ṣe deede ninu iṣẹ wọn kawọn ọkunrin ma fọwọ rọ wọn sẹyin lawujọ.
Igbakeji gomina ipinlẹ Eko,Ọmọwe Ọbafẹmi Hamzat lo gbẹnu gomina sọrọ nibi ayẹyẹ naa, o ki awọn obinrin ku ayẹyẹ ayajọ naa bakan naa lo gboṣuba kare fawọn ikọ to jẹ ki eto naa waye,ko ṣai gba wọn nimọran lati tẹsiwaju sii ninu ohun rere,O ni, ipin ọgbọọgba tawọn obinrin n tẹnumọ yala ninu oṣelu tabi lẹnu iṣẹ ijọba ko le waye laisi ifọkansin nitoripe awọn ọkunrin ti wọn fẹ le ba paapaa ko duro. 
Lakotan,Hamzat loun ba gbogbo obinrin ti ayẹyẹ tọun yii ṣoju ẹ yọ bẹẹ lo gba a ladura pe eyi to n bọ yoo dun ju bẹẹ lọ.

Comments

Post a Comment

Popular posts from this blog

Àwọn ọmọ bíbí ìlú Òró bu ọlá fún ọba wọn tuntun

Image
Ọlaide Gold Wamuwamu ni gbọngan NUT Pavilion Events Centre nilu Ikẹja nipinlẹ Eko kun lọjọ Satide to kọja,  awọn ọmọ bibi ilu Oro nipinlẹ Kwara tiwọn fi ilu Eko ṣebugbe ni wọn lọ pade Ọba Ọlaniyi Ọyatoye,Titiloye Olufayọ keji, iyẹn Oloro tilu Oro to ṣẹṣẹ gun ori itẹ awọn baba nla rẹ. Ọba Ọlaniyi Ọyatoye ninu ọrọ rẹ dupẹ lọwọ awọn ọmọ bibi ilu Oro ti wọn wa nibẹ lọjọ naa, kabiyesi wure aṣeyọri  lẹnu iṣẹ ti ẹni kọọkan n ṣe, Oloro tuntun naa ni, ogunlọgọ eeyan ni wọn mọ ilu Oro pẹlu ipede ‘Owo ni e jẹ’ tori naa, owo ko ni i wọn lapo ẹnikọọkan atawọn afẹnifẹre wọn. Siwaju si i, kabiyesi ṣeleri itẹsiwaju rere  nilu Oro lasiko tiẹ, ọba alaye naa ni, gbogbo ẹbẹ awọn ọmọ oniluu loun ti gbọ bẹẹni igbesẹ lati fidi irẹpọ mulẹ ti n lọ labẹnu atipe didun lọsan yoo so laipẹ.   Bo tiẹ jẹ pe, wọn ni oye ọba naa di fa-n-fa laarin awọn ọmọ oye bii meloo kan, ko to bọ sọwọ idile Titiloye Olufayọ,  tijọba ipinlẹ Kwara si ti gbọpa aṣe le e lọwọ gẹgẹ bi Alayeluwa Oloro ti...
Read more

Wàhálà nlá nijọ sẹ̀lẹ́!Nítorí tùràrí wọ́n lu wòlíì lálùbami,làwọn aláṣẹ bá gbe ṣọ́ọ̀ṣì tìpa

Image
Ọlaide Gold   Titi dasiko yii lọrọ naa ṣi n ṣe awọn eeyan ni kayeefi, paapaa julọ awọn tiṣẹlẹ naa ṣoju wọn lagbegbe Agege nipinlẹ Eko. Oluṣọ ijọ sẹlẹ kan, CCC Adeiyanu Parish ni Iyana Ipaja torukọ ẹ n jẹ, Alani John Ọlabamidele  tawọn eeyan tun mọ si Alani-Fẹrẹbiẹkun ni wọn lo kọkọ da ija naa silẹ tawọn ọdọ fi sọ di nnkan mi-in mọ lọwọ. Gẹgẹ baa ṣe gbọ, ajihinrere kan ninu ijọ naa torukọ ẹ n jẹ Taiwo Lasisi, ni wọn lo gbe turari lọ sori pẹpẹ ṣugbọn ti ọluṣọ gbe igba turari naa kuro nibẹ, iyẹn ni wọn lo bi ọmọkunrin naa ninu tija fi sọ. Ṣe ṣaaju akoko naa lawọn ọmọ ijọ ko ti fẹran oluṣọ wọn tuntun latigba ti wọn ti gbe de nitoripe wọn ni ṣeni oluṣọ naa ma n paṣẹ bi ologun, idi niyẹn tawọn ọmọ ijọ fi gbana oju ẹ lọjọ tija naa ṣẹlẹ. Iroyin to tẹ wa lọwọ ni pe, nigba tiwọn n ṣe ikore loṣu kẹsan an ọdun yii nija naa ti bẹrẹ, wọn ni, bi oluṣọ ijọ naa tẹlẹ torukọ ẹ n jẹ Idowu Adelu ti wọn ti gbe lọ sijọ CCC  Zion Santuary Parish, Oshodi  wa bawọn  yọ ayọ ik...
Read more

Ojiṣẹ lṣẹdalẹ ṣatupalẹ ewi Wọle Ṣoyinka, 'Abiku' si ede Yoruba.

Image
Ọgbẹni Olubunmi Olukanni, tawọn kan tun pe ni Ojiṣẹ Iṣẹdalẹ, to fi orileede Amerika, ni California, ti tun ewi kan ti Ọjọgbọn Wọle Ṣoyinka kọ ni ede oyinbo to pe ni Abiku, si ede Yoruba. Gẹgẹ bo ṣe wi, o loun kọ lati fi sami ẹyẹ aadọrun ọdun ti agba ọjẹ naa lo lori ilẹ ati lati fi sapọnle ẹ. Ojiṣẹ Iṣẹdalẹ naa tun fikun ọrọ ẹ pe akanda ẹda ati awokọṣe rere ni Ọjọgbọn Wọle Ṣoyinka jẹ foun.  Ọkunrin ọhun to n gbe ni Califonia,to tun jẹ alukoro fun ẹgbẹ ọmọ Yoruba ati ẹgbẹ ọmọ Ijẹṣa to wa lọhun, tun fi kun ọrọ ẹ pe lara ẹkọ toun ri kọ lara baba naa ni ọgbọn atinuda, eyi to si wulo foun di onii yii. tun sọ pe bi wọn ba pe ori akọni, a fi ida laalẹ bẹẹ lọrọ agba ọjẹ yii jẹ ninu ka kọ itan tabi ewi to fa ọgbọn yọ, to si tun mu ẹwa ba aṣa ilẹ wa. Ojiṣẹ iṣẹdalẹ toun naa jẹ onkọwe, to fi n gbe aṣa ati ede Yoruba ga, lo ti fi ọgbọn atinuda ẹ ṣagbekalẹ ewi Abiku lọna ti yoo gba ye awọn to ba n ka a. Bẹẹ lo si tun lo awọn ẹwa ede bi Ọjọgbọn Ṣoyinka, ṣe gbe kalẹ ni oyinbo to kọ. Eyi ...
Read more