Sanwó-Olú fọwọ́sí gbígba ìwé ẹ̀rí aṣàfihàn ẹni tó lọkọ̀ l'Ékòó

Ọlaide Gold
     
Ẹgbẹrun kan naira lowo tawọn eeyan ma
san bayii fun iwe ẹri emi ni mo lọkọ. Akọwe Agba nileeṣẹ ijọba to n mojuto lilọ bibọ ọkọ nipinlẹ Eko, Ọgbẹni Abdulhafiz Toriola, lo ṣiṣọ loju ọrọ naa lọjọ Iṣẹgun Tuside Ọjọ kẹtadinlọgbọn oṣu yii ninu ipade kan to waye ninu gbọngan awọn oniroyin nilu Alahusa Ikẹja l'Ekoo.
Gẹgẹ bi alaye rẹ, igbesẹ naa waye lati daabobo dukia ati ẹmi awọn araalu. Iwe ẹri naa ti wọn pe ni Proof of Ownership Certificate (PoC) tawọn ọlọkọ yoo ma gba lọdọọdun naa wa ni ibamu labẹ ofin akoyawọ eto irinna apapọ ọdun 2012 eyi to fidi ẹ mulẹ pe iwe ẹri emi ni mo lọkọ yoo wa gẹgẹ bi ijẹrisi, afikun kan tun wa ninu ofin naa to tọka si pe ẹka naa yoo ṣe agbekalẹ atẹ kan ti yoo ṣafihan onka ọkọ atawọn awakọ kaakiri orileede yii.
Iwe ẹri yii bawọn ọlọkọ ba ti tọwọbọwe to yẹ tan lori ẹ lo maa duro gẹgẹ bi aṣafihan ẹni to lọkọ toripe gbogbo idanimọ aṣapejuwe lo maa wa ninu ẹ koda titi dori irufẹ ọkọ to jẹ ati ọdun ti wọn ṣe e jade. 
​Nii bayii gomina ipinlẹ Eko,Ọgbẹni Babajide Oluṣọla Sanwo-Olu ti fọwọsi ki gbigba iwe ẹri aṣafihan ẹni to lọkọ naa  bẹrẹ nipinlẹ rẹ, idi si niyẹn ti apejọ oniroyin naa fi waye lati jẹ kawọn araalu le mọ pe aabo wọn jẹ ijọba apapọ logun.





Comments

Post a Comment

Popular posts from this blog

Àwọn ọmọ bíbí ìlú Òró bu ọlá fún ọba wọn tuntun

Image
Ọlaide Gold Wamuwamu ni gbọngan NUT Pavilion Events Centre nilu Ikẹja nipinlẹ Eko kun lọjọ Satide to kọja,  awọn ọmọ bibi ilu Oro nipinlẹ Kwara tiwọn fi ilu Eko ṣebugbe ni wọn lọ pade Ọba Ọlaniyi Ọyatoye,Titiloye Olufayọ keji, iyẹn Oloro tilu Oro to ṣẹṣẹ gun ori itẹ awọn baba nla rẹ. Ọba Ọlaniyi Ọyatoye ninu ọrọ rẹ dupẹ lọwọ awọn ọmọ bibi ilu Oro ti wọn wa nibẹ lọjọ naa, kabiyesi wure aṣeyọri  lẹnu iṣẹ ti ẹni kọọkan n ṣe, Oloro tuntun naa ni, ogunlọgọ eeyan ni wọn mọ ilu Oro pẹlu ipede ‘Owo ni e jẹ’ tori naa, owo ko ni i wọn lapo ẹnikọọkan atawọn afẹnifẹre wọn. Siwaju si i, kabiyesi ṣeleri itẹsiwaju rere  nilu Oro lasiko tiẹ, ọba alaye naa ni, gbogbo ẹbẹ awọn ọmọ oniluu loun ti gbọ bẹẹni igbesẹ lati fidi irẹpọ mulẹ ti n lọ labẹnu atipe didun lọsan yoo so laipẹ.   Bo tiẹ jẹ pe, wọn ni oye ọba naa di fa-n-fa laarin awọn ọmọ oye bii meloo kan, ko to bọ sọwọ idile Titiloye Olufayọ,  tijọba ipinlẹ Kwara si ti gbọpa aṣe le e lọwọ gẹgẹ bi Alayeluwa Oloro ti...
Read more

Wàhálà nlá nijọ sẹ̀lẹ́!Nítorí tùràrí wọ́n lu wòlíì lálùbami,làwọn aláṣẹ bá gbe ṣọ́ọ̀ṣì tìpa

Image
Ọlaide Gold   Titi dasiko yii lọrọ naa ṣi n ṣe awọn eeyan ni kayeefi, paapaa julọ awọn tiṣẹlẹ naa ṣoju wọn lagbegbe Agege nipinlẹ Eko. Oluṣọ ijọ sẹlẹ kan, CCC Adeiyanu Parish ni Iyana Ipaja torukọ ẹ n jẹ, Alani John Ọlabamidele  tawọn eeyan tun mọ si Alani-Fẹrẹbiẹkun ni wọn lo kọkọ da ija naa silẹ tawọn ọdọ fi sọ di nnkan mi-in mọ lọwọ. Gẹgẹ baa ṣe gbọ, ajihinrere kan ninu ijọ naa torukọ ẹ n jẹ Taiwo Lasisi, ni wọn lo gbe turari lọ sori pẹpẹ ṣugbọn ti ọluṣọ gbe igba turari naa kuro nibẹ, iyẹn ni wọn lo bi ọmọkunrin naa ninu tija fi sọ. Ṣe ṣaaju akoko naa lawọn ọmọ ijọ ko ti fẹran oluṣọ wọn tuntun latigba ti wọn ti gbe de nitoripe wọn ni ṣeni oluṣọ naa ma n paṣẹ bi ologun, idi niyẹn tawọn ọmọ ijọ fi gbana oju ẹ lọjọ tija naa ṣẹlẹ. Iroyin to tẹ wa lọwọ ni pe, nigba tiwọn n ṣe ikore loṣu kẹsan an ọdun yii nija naa ti bẹrẹ, wọn ni, bi oluṣọ ijọ naa tẹlẹ torukọ ẹ n jẹ Idowu Adelu ti wọn ti gbe lọ sijọ CCC  Zion Santuary Parish, Oshodi  wa bawọn  yọ ayọ ik...
Read more

Ojiṣẹ lṣẹdalẹ ṣatupalẹ ewi Wọle Ṣoyinka, 'Abiku' si ede Yoruba.

Image
Ọgbẹni Olubunmi Olukanni, tawọn kan tun pe ni Ojiṣẹ Iṣẹdalẹ, to fi orileede Amerika, ni California, ti tun ewi kan ti Ọjọgbọn Wọle Ṣoyinka kọ ni ede oyinbo to pe ni Abiku, si ede Yoruba. Gẹgẹ bo ṣe wi, o loun kọ lati fi sami ẹyẹ aadọrun ọdun ti agba ọjẹ naa lo lori ilẹ ati lati fi sapọnle ẹ. Ojiṣẹ Iṣẹdalẹ naa tun fikun ọrọ ẹ pe akanda ẹda ati awokọṣe rere ni Ọjọgbọn Wọle Ṣoyinka jẹ foun.  Ọkunrin ọhun to n gbe ni Califonia,to tun jẹ alukoro fun ẹgbẹ ọmọ Yoruba ati ẹgbẹ ọmọ Ijẹṣa to wa lọhun, tun fi kun ọrọ ẹ pe lara ẹkọ toun ri kọ lara baba naa ni ọgbọn atinuda, eyi to si wulo foun di onii yii. tun sọ pe bi wọn ba pe ori akọni, a fi ida laalẹ bẹẹ lọrọ agba ọjẹ yii jẹ ninu ka kọ itan tabi ewi to fa ọgbọn yọ, to si tun mu ẹwa ba aṣa ilẹ wa. Ojiṣẹ iṣẹdalẹ toun naa jẹ onkọwe, to fi n gbe aṣa ati ede Yoruba ga, lo ti fi ọgbọn atinuda ẹ ṣagbekalẹ ewi Abiku lọna ti yoo gba ye awọn to ba n ka a. Bẹẹ lo si tun lo awọn ẹwa ede bi Ọjọgbọn Ṣoyinka, ṣe gbe kalẹ ni oyinbo to kọ. Eyi ...
Read more